Les mots surlignés font l'objet d'une note
1Monsieur, parcidevant je vous avoys escript que Monsieur,
2frère du roy, ne partiroyt pour aller à La Rochelle quaprès
3la Chandelleure et à ce matin lon ma asseuré quil est
4party despuys le neufviesme de ce moys ; et hier passa
5ung gentilhomme de monsieur le mareschal de Dampville,
6quil ny avoyt que cinq jours questoyt party de
7la court, que asseuroyt que ce jour là estiont
8venuz quelques ungs de La Rochelle pour parlamenter
9avecque sa magesté, mais lon ne scavoyt encores
10quilz vouloyent dire. Tout hier les huguenaulx furent
11au près de La Voulte. Je dictz Jusques à lescuyerie.
12Monsieur le conte sortit avec quelques gens et ilz
13se retirarent à Beauchastel où lon dict qu’il y a
14de troys à quatre centz hommes. Je pense qui ne
15viennent là que pour empecher lartilherie qui pourroyt
16venir de Lyon. Ilz font bien courir le bruyt quilz
17ont quelque entreprinse de dessa, ce que ne puys
18croyre. Monsieur le mareschal de Dampville sen
19alloyt à Montpellier. Que sera la fin, après vous
20avoyr supplié me commander votre vouloyr pour icelluy
21toute ma vie a complir daussy bon cueur que me
22recommande très humblement à votre bonne grace, priant Dieu,
23monsieur, qui vous ayt en sa garde. De votre maison de Montoyson,
24ce XVme de janvyer 1573.
25Monsieur, je vous ay escript par plusieurs foys et
26sil y a long temps que nay poinct heu de vous
27nouvelles, je vous supplie me mander de votre
28santé.
29Votre très humble et au
30beissant serviteur
31Montoyson